Монголын Радио Спортын Холбоо
| Товчлол | МРСХ |
|---|---|
| Байгуулагдсан | 1967 |
| Хууль зүйн байдал | ТББ |
| Зорилт/чиглэл | Радио спортыг хөгжүүлэх |
| Үйлчилдэг бүс | Монгол |
| Албан ёсны хэл | Монгол |
| Эцэг байгууллага | Олон Улсын Радио Сонирхогчдын Холбоо |
| Цахим сүлжээ | http://www.mrsf.mn/ |
Монголын Радио Спортын Холбоо (МРСХ) нь сонирхогчийн радио холбоо, өндөр хурдны телеграф, радио сонирхогчийн чиглэл олох буюу Үнэг агналтын спортын төрлүүдийг хөгжүүлэх чиглэлээр үйл ажиллагаа явуулдаг ашгийн бус, гишүүддээ үйлчилдэг төрийн бус байгууллага юм.
Түүхэн тойм[засварлах | кодоор засварлах]
МРСХ нь 1967 онд анх байгуулагдсан. Дээрх радио спортын чиглэлүүдээр улс, хотын аварга шалгаруулах болон нэрэмжит тэмцээнүүдийг уламжлал болгон явуулдаг. Мөн МРСХ-ын тамирчид тив, дэлхийн аварга шалгаруулах тэмцээнүүдэд тогтмол оролцож өндөр амжилт гаргаж байна.
Холбооны Ерөнхийлөгчөөр Д.Гарам-Очир, С.Ганбаатар, О.Шаалуу, Ч.Чадраабал, Т.Гантөмөр нар, Нарийн бичгийн даргаар Н.Хосбаяр, Ж.Батжаргал, А.Даваадорж нар амжилттай ажиллаж байв. Өнөөдөр холбооны Ерөнхийлөгчөөр Ж.Батжаргал, Нарийн бичгийн даргаар З.Бат-Эрдэнэ нар ажиллаж байна.
МРСХ нь Олон Улсын Радио Сонирхогчдын Холбоонд Монгол Улсыг албан ёсоор төлөөлдөг.